- சினிமா செய்திகள்

நடிகராக அறிமுகமாகும் இசையமைப்பாளர் பரணி மகன் திருவாசகன்!

பிரபல இசையமைப்பாளர் பரணி மகன் திருவாசகன் ஹீரோவாக அறிமுகமாகிறார்!

ஸ்டைல் எண்டர்டெயின்மெண்ட் சார்பில், இயக்குநர் ராம் சேவா கதை, திரைக்கதை, வசனம் எழுதி இயக்கும் ‘PRODUCTION NO.1’ திரைப்படத்தின் பூஜை, சென்னை போரூரில் உள்ள அருள்மிகு ஓம் ஸ்ரீ அங்காள பரமேஸ்வரி திருக்கோயிலில் நடைபெற்றது.

இளைஞர்களின் வாழ்க்கையையும், சமகாலச் சமூகத்தில் நடக்கும் ஒரு மிகப்பெரிய மர்மத்தையும் மையமாகக் கொண்டு, காதல், குடும்பப் பாசம் மற்றும் விறுவிறுப்பான திருப்பங்கள் நிறைந்த எமோஷனல் சஸ்பென்ஸ் த்ரில்லராக இப்படம் உருவாகிறது.

பல வெற்றிப் படங்களுக்கு இசையமைத்த பிரபல இசையமைப்பாளர் பரணி இப்படத்திற்கு இசையமைப்பதோடு, அவரது மகன் திருவாசகன் இப்படத்தின் மூலம் கதாநாயகனாக அறிமுகமாகிறார்.

இவர்களுடன் டாக்டர் சரவணன் ஒரு மிக முக்கியக் கதாபாத்திரத்திலும், சினாமிகா மற்றும் சித்தார்த் விபின் ஆகியோர் கதையை நகர்த்தும் சக்திவாய்ந்த பாத்திரங்களிலும் நடிக்கின்றனர். மேலும் பல திறமையான புதுமுகக் கலைஞர்களும் இப்படத்தில் இணைந்துள்ளனர். மக்கள் தொடர்பு கோவிந்தராஜ்.

சென்னை மற்றும் அதன் சுற்றுவட்டாரப் பகுதிகளில் இப்படத்தின் படப்பிடிப்பு விறுவிறுப்பாக நடைபெற உள்ளது.

_GovindarajPro

About Raja Senthilnathan

Read All Posts By Raja Senthilnathan